आजच्या ‘जनता कर्फ्यू’ प्रतिसादामुळे आयुक्त खूश, काय बोलले ते ऐका …
नागपूर:- कोरोना साथीच्या वाढत्या घटनांमध्ये कोरोना बाधित जिल्ह्यांमध्ये लॉकडाउन किंवा सार्वजनिक कर्फ्यू अशा उपाय योजना लागू करण्यात येत आहेत. नागपूर जिल्ह्यातही आज आणि उद्या असे दोन दिवसांचा जनता कर्फ्यू लावण्याच्या मुंढे व जोशी यांचे घोषणेचा नागपूरच्या रस्त्यावर सकारात्मक परिणाम दिसून आला.
नागपूर शहरात रस्ते वैरान झाले आढळले. लोकांची अजिबात वर्दळ नव्हती परंतु पोलिस उपस्थित होते, पोलिसांनी एकट्या दुकट्या आढळणा-या व्यक्तीची चौकशी राखली, या दोन दिवसाच्या कर्फ्यूच्या पहिल्याच दिवशी सर्व बाजारपेठा कडकडीत बंद ठेवण्यात आल्या होत्या आणि जनताही स्वत:हून घरात कैद झाली.
नागपूरकरांच्या स्वभावावर शहरात लॉकडाऊन व कर्फ्यूचा वारंवार इशारा देणारे मनपा आयुक्त म्हणाले की, आज कर्फ्यूला जनतेचा चांगलाच पाठिंबा मिळत आहे. असाच जागरूक भाव राखल्यास लॉकडाऊन वा कर्फ्यु लावण्याची आवश्यकता पडणार नाही.
25 व 26 जुलै रोजीच्या या 2 दिवसीय ‘जनता कर्फ्यू’ दरम्यान नागपूर शहरातील केवळ आवश्यक सेवा चालविण्यासच परवानगी आहे. ज्यामध्ये आरोग्याशी संबंधित सेवांसह अन्य आवश्यक आणि आपत्कालीन सेवा कार्यरत राहतील आणि जनतेला घराबाहेर न जाण्याचे आवाहनही पोलिसांनी केले आहे.
