वाहतुक पोलीस आता स्विकारणार नाहित चालानची रक्कम! वाचा का बर?

नागपूर: कोरोना विषाणू संक्रमणाचा वाढता फैलाव व प्रभाव लक्षात घेता दैनंदिन कामकाजांत व व्यवहारांत ऑनलाइन देवानघेवान प्रथेची संख्या सर्वत्र वाढली आहे. या संक्रमणात नोटांच्या अदलाबदली मधूनही कोरोना विषाणूचा प्रसार होण्याची संभावना बळावली असते यासाठीच नागपूर वाहतूक पोलिसांनीही चालान भरण्याच्या नियमात बदल केला आहे, गेले दोन दिवसांपासून वाहतूक नियम मोडणा-्यांचे चालान ऑनलाइन पद्धतीने सुरू आहे. या कारणाशिवाय वाहतूक संदर्भात नियम मोडणाऱ्यांना भर रस्त्यावर चलान भरतांना रोख रक्कम घेतानाचे व्हिडिओ खोडसाळपणे चुकीच्या रीतीने मांडून पोलिसांची बदनामी केली जायची त्यामुळे यासंदर्भात यापुढे अशाप्रकारे रोख रक्कमेस जागेवरच भरता येणार नाही तर यासाठी पेटीएम, गुगल पे, या ॲपद्वारे वा नेटबँकिंगने ऑनलाइन पद्धतीने चालान रक्कम भरता येईल अशी माहिती उपआयुक्त विक्रम साळी यांनी दिली