नागपूर:- कोरोना साथीने राज्यातील शेतकर्‍यांचे कंबरडे मोडले आहे. गेल्या 6 महिन्यांत आर्थिकदृष्ट्या सपशेल हरलेल्या 1074 गरीब आणि मध्यमवर्गीय शेतक-यांनी आत्महत्या केल्या आहेत. महाविकास आघाडी सरकार शेतक-यांपर्यंत पोहोचू न शकल्यामुळे आणि पॅकेज जाहीर न केल्यामुळे शेतकरी आत्महत्या करण्यास भाग पडत असल्याचा आरोप माजी ऊर्जामंत्री चंद्रशेखर बावनकुळे यांनी केला. ज्यामुळे या शेतकरी कुटुंबांमध्ये सरकारबद्दल तीव्र नाराजी आहे.
ते म्हणाले की, जानेवारी ते जून या 6 महिन्यात जवळपास दररोज 6 शेतकर्‍यांनी आत्महत्या केल्या आहेत. कोरोना लॉकडाऊनचा सर्वाधिक धक्का शेतक-यांनाच बसला आहे. विशेषत: फळ आणि भाजीपाला उत्पादकांना तर सर्वाधिक फटका बसला. शेतकर्‍यांचे उत्पादन शेतातच पुर्णपणे खराब झाले.
बावनकुळे यांनी तातडीने नुकसान भरपाई द्यावी, अशी मागणी केली, शेतक-यांना आर्थिक पेचातून मुक्त करण्यासाठी महाविकास आघाडी सरकारने तातडीने आर्थिक मदत द्यावी व नुकसान भरपाई जाहीर करावी. ते म्हणाले की, गेल्या वर्षी मराठवाडा आणि पश्चिम महाराष्ट्रात मुसळधार पाऊस झाला. संपूर्ण पश्चिम महाराष्ट्रात पिके नष्ट झाली.
लॉकडाऊनमुळे दुसरे संकट शेतकर्‍यांवर आले. भाजीपाल्यास भाव न मिळाल्याने, उत्पादनांची बाजारात विक्री न झाल्याने मोठे नुकसान झाले. मुख्यमंत्री उद्धव ठाकरे यांनी तातडीने शेतक-यांसाठी पॅकेज सादर करून मदत करावी.
