नागपूर:- विधान परिषद च्या नागपूर विभाग पदवीधर निवडणुकीसाठी 1 डिसेंबर रोजी सकाळी 8 वाजल्यापासून मतदानास प्रारंभ होईल. यासाठी विभागातील 6 जिल्ह्यातील 322 मतदान केंद्रांवर 1288 अधिकारी व कर्मचार्‍यांना ड्युटीवर ठेवण्यात आले आहे. सायंकाळी 5 वाजेपर्यंत होणा-या मतदानात एकूण 2066,454 मतदार मतदानाचा हक्क बजावतील. विभागीय आयुक्त संजीव कुमार म्हणाले की शांतता व पारदर्शक पद्धतीने मतदान घेण्यात संपूर्ण यंत्रणा सज्ज आहे.
कोविड 19 च्या मार्गदर्शक सूचनांप्रमाणेच प्रत्येक मतदारांना थर्मल स्क्रीनिंगनंतरच प्रवेश देण्यात येईल. निवडणुकीसाठी घेण्यात येणार्‍या बॅलेट पेपर्स, बॉक्स, पेन व इतर साहित्य सकाळपासूनच सेंट उर्सुला हायस्कूलमध्ये वितरित केले गेले जेणेकरून अधिकारी व कर्मचारी त्यांच्या मतदान केंद्रावर पोहोचू शकतील व सकाळीच मतदान करायला मिळेल. प्रत्येक केंद्रात 7 कर्मचारी असतील. यामध्ये मतदान केंद्र प्रमुख, 2 मतदान अधिकारी, सूक्ष्म निरिक्षक, पोलिसांचा समावेश आहे. नागपूर जिल्ह्यात सर्वाधिक 164 मतदान केंद्रे असून मतदारांची संख्या 102,809 आहे.
हे आहेत मैदानात: या निवडणुकीत कॉंग्रेसचे अभिजीत वंजारी, भाजपाकडून संदीप जोशी, रिपब्लिकन पार्टी ऑफ इंडियाचे राजेंद्र कुमार चौधरी, बहुजन आघाडीचे राहुल वानखेडे, भारतीय राष्ट्रीय मानवाधिकार पक्षाचे १ एड सुनिता पाटिल मैदानात आपले नशीब आजमावण्यासाठी आले आहेत. या व्यतिरिक्त अतुलकुमार खोब्रागडे, अमित मेश्राम, प्रशांत डेकाटे, नितीन रोघे, नितेश कराळे, डॉ प्रकाश रामटेके, बबन उर्फ अजय तायवाडे, .डॉ मोहम्मद शाकीर ए गफ्फार, राजेंद्र भूतडा, डॉ.विनोद राऊत, एड वीरेंद्र कुमार जयस्वाल, शरद जिवतोडे, संगीता बढे, संजय नासरे हेही निवडणुकीच्या रिंगणात आहेत.
पीपीई किटची व्यवस्था: जिल्हाधिकारी रवींद्र ठाकरे म्हणाले की, कोविड 19 च्या नियमांचे पालन करण्याची पूर्ण व्यवस्था करण्यात आली आहे. मतदान केंद्रांवर सॅनिटायझर, मास्क, ग्लब्सची व्यवस्था केली आहे. एखाद्या मतदारास कोरोनासारखे लक्षण आढळल्यास त्यांना मतदान केंद्रातून परत पाठवले जाईल आणि त्यानंतर त्यांना संध्याकाळी 4 ते 5 दरम्यान मतदान करण्यास सांगितले जाईल. अशा मतदारासाठी संध्याकाळी 4 ते 5 या वेळेत मतदानाची व्यवस्था करण्यात आली आहे. यावेळी निवडणूक कर्तव्यावर अधिकारी व कर्मचार्‍यांना पीपीई किट वाटप करण्यात आल्या आहेत. फेसशिल्ड्स, पॅरासिटामोल असलेली औषधी किट आणि इतर औषधे देखील देण्यात आली आहेत.
मतदान केंद्रासाठी बसेस: ठाकरे म्हणाले की, अधिकारी-कर्मचार्‍यांना निवडणूकीच्या ड्यूटीवर घेऊन जाण्यासाठी सर्व निवडणूक सामग्री घेऊन त्यांच्या बसस्थानकांवर बसची व्यवस्था करण्यात आली होती. कडक पोलिस बंदोबस्तात त्यांस रवाना करण्यात आले. वर्धा जिल्ह्यात 23,068 मतदार, भंडारा येथे 8,434, गोंदिया 16934, गडचिरोली 12,448, चंद्रपूर 32,761 मतदार मतदान करतील. सर्व अधिकारी-कर्मचार्‍यांना निवडणुका घेण्याचे सतत प्रशिक्षण देण्यात आले आहे.
वेबकास्टिंगवर देखरेख: जिल्ह्यातील सर्व 164 मतदान केंद्रांवर वेबकास्टिंग करण्यात आली असून त्याद्वारे जिल्हाधिकारी आणि निवडणूक सहायक अधिकारी रवींद्र ठाकरे मतदानादरम्यान सर्व केंद्रांवर लक्ष ठेवतील. त्यांनी या यंत्रणेची पाहणी केली व उपस्थित अधिका-यांना काही मार्गदर्शक सूचनाही दिल्या. या वेळी उपजिल्हाधिकारी मीनल कलसकर, जिल्हा माहिती अधिकारी हरीश अय्यर व अन्य अधिकारी व कर्मचारी उपस्थित होते.
