संक्रांतीच्या पर्वावर नागपुरात पतंगबाजी सुरू झाली आहे. या पार्श्वभूमीवर बंदी असलेल्या प्लास्टिक पतंग आणि नॉयलॉन मांजाविरोधात कारवाईसाठी मनपाने कंबर कसली आहे. बुधवारी (ता.३०) तिन झोनमध्ये केलेल्या चार कारवाईच्या माध्यमातून सुमारे चार हजारांचा दंड वसूल करण्यात आला.
प्लास्टिक पतंग आणि नॉयलॉन मांजा वापराच्या बंदीबाबत एकीकडे जनजागृती होत असतानाच बाजारात काही व्यापारी त्याची विक्री करीत आहे. मनपा आयुक्तानच्या आदेशानुसार, अशा व्यापाऱ्यांवर मनपातर्फे कारवाई सुरू करण्यात आली आहे. बुधवारी (ता.३०) धंतोली झोनअंतर्गत एक, गांधीबाग झोनअंतर्गत दोन आणि आशीनगर झोनअंतर्गत एक कारवाई करण्यात आल्या. या माध्यमातून चार हजारांचा दंड वसूल करण्यात आला. २३७ नग प्लास्टिक पतंग जप्तीची कारवाईही करण्यात आली.
