नागपूर: काही भाग अलीकडेच कोरोना हॉट स्पॉट म्हणून चिन्हांकित करण्यात आले होते. परंतु आता या हॉट स्पॉट्स व्यतिरिक्तही कोरोनाची पाऊले अस्ताव्यस्त पसरलेली आढळत आहे, कोरोनाचा इतर भागांतही फैलाव दृश्यमान आहे. लक्ष्मीनगरसारख्या पॉश परिसरात पिझ्झा हटचा कुकही पॉजिटिव्ह आढळतो याची कल्पना तरी केली जाऊ शकते का? हि बातमी पसरताच पिझ्झा हटकडून ऑर्डर मागवणा-यांत खळबळ पसरली. गुरुवारी, लक्ष्मीनगर झोनच्या वतीने या पिझ्झा हटला सील केल्यानंतर, कुक पॉजिटिव्ह असल्याची बातमी आगेसारखी पसरली. त्यानंतर, एकमेकांना चाचणी करण्यासाठी लोक सल्लामसलत करू लागले.
प्रशासन अॅलर्ट : पिझ्झाहट चा कुक अकस्मात पॉजिटिव्ह आढळल्यानंतर, मनपा आयुक्त राधाकृष्णन बी यांचे निर्देशानुसार लक्ष्मीनगर झोनल ऑफिसचे आरोग्य विभागाने पिझ्झाहट 7 दिवसांसाठी सील केले. आता काही दिवसांपासून पिझ्झा हटमधून वितरित केले गेलेले ऑर्डर वरून संपर्क ट्रेस केले जातील. मनपाच्या वतीने कॉन्ट्रॅक्ट ट्रेसिंग केले जात आहेत, तरिही प्रशासनाने लोकांना कोरोना तपासणी करवून घेण्यास सांगितले आहे.
आयुक्ताने लोकांना मंगल कार्यालये आणि गर्दीच्या ठिकाणी जाण्यापासून टाळण्यासाठी सल्ला दिला. त्यांनी सांगितले की शहरातील कोरोना बाधितांची संख्या पुन्हा वाढू लागली आहे. जरी प्रशासन अॅलर्टवर आहे, तरी लोक देखील जागरूक असले पाहिजेत. त्यांनी कोणत्याही लक्षणांनुसार कोरोना चाचणीचाही सल्ला दिला.
