मुंबई: कोरोना संकटामुळे मुख्यमंत्री उद्धव ठाकरे यांनी यंदा गणेशोत्सव साधेपणाने साजरा करण्याचे आवाहन केले आहे. ते म्हणाले की, गणेशोत्सव साजरा करण्याची व्याप्तीसुद्धा आपणच ठरवायला हवी. ऑगस्ट महिन्यात होणा-या गणेशोत्सवाच्या दृष्टीने कायदा व सुव्यवस्थेबाबत मंत्रालयात बैठक झाली. बैठकीला उपमुख्यमंत्री अजित पवार, गृहमंत्री अनिल देशमुख, गृहमंत्री सतेज पाटील आणि गृह राज्यमंत्री शंभूराज देसाई यांच्यासह पोलिस आणि प्रशासनाचे अधिकारी उपस्थित होते.
मुख्यमंत्री म्हणाले की कोरोनाची परिस्थिती लक्षात घेता राज्यात सामाजिक जागरूकता व सामाजिक उपयोगिता कार्यक्रम आयोजित करुन गणेशोत्सव साधेपणाने साजरा करावा. जेणेकरून जगासमोर नवा आदर्श निर्माण होऊ शकेल. प्रत्येक पाऊल काळजीपूर्वक घेतले जात आहे. त्यामुळे गणेशोत्सवही एका सिमेत साजरा करावा लागणार आहे.
कोरोनाचा धोका अद्याप टळलेला नाही. गर्दी केल्या जाऊ शकत नाही. मिरवणूक काढता येत नाही. सर्व प्रकारच्या खबरदारी घेणे जरूरी आहे. कोणतीही परंपरा न मोडता बदलासह राबवीली जाऊ शकते. पुण्यासह अनेक गणेश मंडळांनी कोरोनामुळे गणेशोत्सव अत्यंत साधेपणाने साजरा करण्याचा निर्णय घेतला आहे.लसरकारच्या निर्णयाला गणेश मंडळांनी पाठिंबा दर्शविला आहे. याबद्दल सर्व गणेश मंडळांचे आभार, शिर्डी संस्था, सिद्धी विनायक ट्रस्ट यांचेसह अनेक मंडळांनी मुख्यमंत्री मदत निधीसाठी मदत केल्याबद्दल उद्धव यांनी आभार मानले.
