‘एकदम ओके’ या डायलॉगने लोकप्रिय झालेले शिंदे गटाचे आमदार शहाजीबापू पाटील यांचे 7 दिवसात 9 किलो वजन कमी
शहाजीबापू पाटील आपल्या परिवर्तनाबद्दल बोलताना म्हणाले: “तुम्ही मोठे झाल्यावर शारीरिकदृष्ट्या तंदुरुस्त राहणे महत्त्वाचे आहे. माझे वजन नियंत्रणात ठेवण्यासाठी आणि जनसेवेसाठी अधिक उत्साहाने धावण्यासाठी मी पंचकर्म आणि सुदर्शनाद्वारे 8-9 किलो वजन कमी केले आहे. श्री श्री रविशंकर महाराज यांच्या बंगरुलु येथील आश्रमात क्रिया केली आणि आता मला तंदुरुस्त आणि ठीक वाटत आहे.”
शहाजीबापू पाटील यांचे २४ डिसेंबर रोजी बंगळुरू येथे आगमन झाले होते. तिथल्या वास्तव्यादरम्यान ते पंचकर्म आणि सुदर्शन क्रियासाठी पहाटे पाच वाजता उठले आणि दररोज दोन तास योगाभ्यास केले. तसेच जेवणात फक्त पालेभाज्या आणि कडधान्ये खात. त्यानंतर दुपारी व्यायाम आणि संध्याकाळी ध्यान करून शाहजीबापूंनी आपल्या फिटनेसकडे पूर्ण लक्ष दिले. त्याच्या प्रयत्नांमुळे त्याला आठवडाभरात जवळपास 9 किलो वजन कमी करण्यात मदत झाल्याचे दिसते.
