अजनी-प्राईड ओव्हरब्रिज 8 दिवसात सुरू करा: जय जवान जय किसान चा इशारा
नागपूर:- अजनी ते हॉटेल प्राइडपर्यंत मल्टिलेव्हल ओव्हरब्रिज ८ दिवसांत सुरू करण्याची मागणी जय जवान जय किसान संघटनेचे अध्यक्ष व राष्ट्रवादीचे नेते प्रशांत पवार यांनी मेट्रोचे संचालक ब्रिजेश दीक्षित यांना केली आहे.
मेट्रोद्वारे शहरात अनेक पूल बांधले जात आहेत, त्यात काहींत त्रुटी आहेत तर काहींचे कामांची कागदोपत्री प्रक्रियाच पूर्ण झालेली नाही, असा आरोप त्यांनी केला. मेट्रोमध्ये सुमारे 2500 कोटींच्या अनियमिततेच्या तक्रारी केल्या गेल्या आहेत, परंतु मागणी करूनही त्याचा तपास सुरू झालेला नाही, असे पवार म्हणाले.
ते म्हणाले की, तयार झालेल्या पुलाच्या उद्घाटनासाठी पंतप्रधान व इतर मोठ्या नेत्यांकडून वेळ मिळवण्यासाठीचे प्रयत्न सुरू असल्याची माहिती मिळाली आहे, परंतु यामध्ये अनियमितता असल्याने नेत्यांना वेळ मिळत नाही. राज्य सरकारमधील अनेक मंत्रीही यासाठीच वेळ देत नाहीत. कोणत्याही परिस्थितीत मेट्रो प्रशासनाने ८ दिवसात हा बहुस्तरीय ओव्हरब्रिज शहरातील जनतेसाठी खुला करावा अन्यथा तीव्र आंदोलन केले जाईल असे पवार म्हणाले.
