द. नागपूरचे आमदार श्री मोहन मते यांची आमदार निवास येथील कोवीड सेंटरला भेट

नागपुर: द. नागपूरचे आमदार श्री मोहन मते यांनी काल मंगळवार दिनांक 15 रोजी आमदार निवास येथील कोवीड सेंटरला भेट दिली. नागपुरातील आमदार निवास येथील सेंटरला सहा महिने पूर्ण झाले त्यानिमित्ताने दक्षिण नागपूरचे आमदार श्री मोहन मते त्यांनी येथे भेट देऊन तेथील सर्व आरोग्य सेवा देणारे डॉक्टर व कर्मचारी यांचे शाल व गुलाबाचे पुष्प देऊन त्यांचा सत्कार केला तसेच त्यासर्वांचे आभार मानले. इतरांकडूनही अशीच मानवसेवा निरंतर सुरू राहील ही अपेक्षा देखील त्यांनी यावेळी व्यक्त केली.

स्थायी समितीचे अध्यक्ष पिंटू झलके, नगरसेवक प्रदीप पोहणे यांच्यासोबत त्यांची सदिच्छा भेट देण्यात आली, आमदार निवास नागपूर चे नोडल अधिकारी डॉक्टर नितीन गुल्हाणे, वैद्यकीय अधिकारी दिव्या भांडारकर यांच्याशी आमदारांनी या वेळी संवाद साधला.

याप्रसंगी डॉक्टर मानसी रेवतकर, डॉक्टर आदिती उईके, डॉक्टर ऋतिका खोलगडे, डॉक्टर किरण नाईक तसेच प्रियंका ठाकरे मनीष, रूपाली, भाग्यश्री, मेघा, आशिष कोल्हे व गजेंद्र मेश्राम हे उपस्थित होते.