नागपूर:- शहरातील कोरोना पॉझिटिव्ह रुग्णांची संख्या दिवसेंदिवस वाढत आहे. यापैकी बहुतेक रुग्णांमध्ये कोणतीही लक्षणे दिसत नसतात. तथापि, या पॉजिटिव्ह रूग्णांच्या संपर्कात येणा-या सर्वांची आणि ‘उच्च धोका’ असणा-यांची तपासणी झाली पाहिजे. म्हणूनच पॉजिटिव्ह रूग्णांना शोध व नंतर कोरोना तपासणी लवकरात लवकर केली पाहिजे. महानगरपालिका आयुक्त मुंडे यांनी कोरोना वॉर रूममध्ये सर्व झोनच्या वैद्यकीय अधिका-यांसमवेत झालेल्या आढावा बैठकीत हे निर्देश दिले.
या बैठकीस अतिरिक्त आयुक्त जलज शर्मा, अतिरिक्त आयुक्त राम जोशी, उपायुक्त निर्भय जैन, प्रभारी उपायुक्त अमोल चोरपगार, वैद्यकीय अधिकारी डॉ.योगेंद्र सवाई, डॉ प्रवीण गंटावार, डॉ विजय जोशी आदी उपस्थित होते.
किमान २० लोक तपासा: पॉजिटिव्ह रूग्णाच्या संपर्कात आलेल्या किमान २० जणांना ‘कॉन्टॅक्ट ट्रेसिंग’ केले पाहिजे आणि त्यांची कोरोना तपासली झाली पाहिजे. जर संपर्कात असलेली व्यक्ती पॉजिटिव्ह आढळली तर त्यांच्याबद्दल संपूर्ण माहिती घ्या आणि लक्षणे आढळल्यास ‘होम कॉरंटाइन’ किंवा कोविड केअर सेंटरमध्ये उपचारार्थ पाठवावे.
या व्यतिरिक्त, त्या व्यक्तीच्या संपर्कात आलेल्या लोकांचा शोध देखील घ्यावा. पॉजिटिव्ह रूग्ण ज्यांना लक्षणे नसतात त्यांचे 10 दिवस देखरेखही आवश्यक असते. असे दिसून आले आहे की ज्या लोकांत लक्षणे दिसताहेत ते देखील कोविड तपासणीसाठी येत नाहीत आणि स्वत:च औषधे घेत आहेत किंवा खाजगी रुग्णालयात उपचार घेत आहेत परंतु मनपाला माहिती देत नाहीत.
परिणामी, अशा रुग्णांना वेळेवर उपचार मिळत नाहीत. ही परिस्थिती टाळण्यासाठी, मनपाच्या 21 कोविड चाचणी केंद्रांपैकी झोनच्या केंद्रांवर जाऊन चौकशी करावी. कायदेशीरदृष्ट्या कोरोना रूग्णाची माहिती खासगी रुग्णालयांना मनपाला देणे बंधनकारक आहे. अशा रूग्णांची माहिती मिळताच वैद्यकीय अधिकारी यांनी त्यांच्या टिमसह संपर्क साधावा आणि आवश्यक कारवाई करावी.
त्यानंतर खाजगी रुग्णालयात कारवाई: 7 जुलै रोजी जारी आदेशानुसार, कोरोना पॉझिटिव्ह रूग्णांवर ज्यांना लक्षणे नसतात त्यांच्यावर घरीच अलिप्तपणे उपचार केले जाताहेत. परंतु हे रुग्ण खासगी रुग्णालयात दाखल होत आहेत असे आढळत आहे, अयशा संबंधित खासगी रुग्णालयावर रोग प्रतिबंधक कायद्यान्वये प्रक्रिया केली जाईल. यासंदर्भात विभागीय वैद्यकीय अधिका-यांनी आपल्या परिसरातील खासगी रुग्णालयाची तपासणी करून दररोज विभागप्रमुखांना अहवाल द्यावा.
