Breaking NewsInformative

रेल्वे स्टेशनवर पुन्हा कडक बंदोबस्त, प्रत्येक प्रवाश्यांची होईल तपासणी

नागपूर: कोरोना विषाणूच्या दुसर्‍या लाटेने त्रस्त राज्य सरकारने दिल्ली, गुजरात, राजस्थान आणि गोवा येथून येणा-या प्रवाश्यांसाठी कोरोनाच्या आरटी-पीसीआर चाचणीचे अहवाल अनिवार्य केले आहेत. त्याअंतर्गत नागपूर स्थानकातही विभागीय रेल्वे व्यवस्थापन व मनपा प्रशासनाकडून कडक बंदोबस्ताची तयारी करण्यात आली आहे.

प्राप्त माहितीनुसार बुधवारी वरील राज्यांमधून येणा-या प्रवाश्यांसाठी एक्झिट गेट बनविण्यात आला आहे. प्रत्येक प्रवाशाने त्यांचा आरटी-पीसीआर चाचणी अहवाल दर्शविलाच पाहिजे. ज्या प्रवाशांकडे हा अहवाल नाही, त्यांची एंटिजेन चाचणी त्वरित केली जाईल. कोरोना अहवाल निगेटिव आल्यावरच प्रवाशांना घरी पाठविण्यात येईल. हा अहवाल लक्षणे नसलेला पॉजिटिव्ह असल्यास प्रवाशाला थेट मनपाच्या कोरोना हॉस्पिटल किंवा क्वारंटाईन सेंटरमध्ये पाठविले जाईल.

रुग्णवाहिका असतील हजर: मनपा प्रशासन वरील तपास केंद्रांची जबाबदारी स्वीकारेल. येथे संपूर्ण वैद्यकीय कर्मचारी आणि डॉक्टरांकडून आवश्यक वैद्यकीय साहित्य मनपाकडूनच पुरविले जाईल. यावेळी 24 तास स्टेशनवर रुग्णवाहिकादेखील सज्ज ठेवली जाईल.

आरपीएफनेदेखील कसली कंबर: लॉकडाऊननंतर पुन्हा एकदा रेल्वे संरक्षण दलाला कोरोना योद्धा सारखेच स्टेशन परिसरातील फ्रंट लाइन वर सज्ज रहावे लागेल. मंडल सुरक्षा आयुक्त आशुतोष पांडे यांच्या मार्गदर्शनाखाली आरपीएफ जवान प्रवाशांच्या हालचालींवर नजर राखून असतील. नागपुरात उतरणा-या प्रवाशांच्या निर्गमनापर्यंत, प्रवेशद्वाराजवळ स्टेशनच्या आत जाणा-या प्रवाशांची जवळून नोंद ठेवली जाईल. कोरोनाच्या पहिल्या लाटेमध्ये बरेच आरपीएफ जवान कोरोना पॉझिटिव्ह झाले होते. अशा परिस्थितीत डीएससी पांडे यांनी आपल्या जवानांना तद्विषयक संपूर्ण काळजी घेण्याचे निर्देश दिले आहेत.

Team Nagpur Updates

Nagpur Updates is your local/Digital news, entertainment, Events, foodies & tech website. We provide you with the happening news, Page3 Contain and all about Nagpur Foodies & Infrastructure from the Nagpur and world.

Related Articles

Leave a Reply

Your email address will not be published.

Back to top button
Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.

Powered By
Best Wordpress Adblock Detecting Plugin | CHP Adblock

Adblock Detected

Disable Your Add Block To View Page.