नागपूर:- शहरास आता थंडीचा विळखा पडला आहे. सलग दुस-या दिवशीही थंडी आपल्या तडाख्याच्या कमालीत राहिली. दिवसाही लोक जॅकेट-स्वेटरमध्ये फिरतांवा दिसले. रविवारी तापमान अचानक 8.6 अंशांपर्यंत घसरले. हुडहुडी भरवणारा वा-यांमुळे हिवाळ्याची तिव्रता वाढवत होता. दुसरा सोमवारचा दिवसही सारखाच राहिला. किमान तापमानात किंचित घसरण झाली आणि त्याची नोंद झाली. सोमवारी हवामान खात्याने किमान तापमान 8.4 अंश सेल्सिअस नोंदविले, जे सरासरीपेक्षा 4.3 अंश कमी होते. त्याचवेळी कमाल तापमान 29 अंश नोंदवले गेले. हवामान तज्ज्ञांच्या म्हणण्यानुसार आता थंडी सतत वाढत जाईल. महिन्याच्या अखेरीस, पारा देखील 6-7 अंशानी खाली येऊ शकतो.
स्वच्छ हवामान राहिलं तर वाढेल थंडी: काही दिवसांपूर्वी ढगाळ हवामानामुळे थंडी नाहीशी झाली होती. किमान तापमान 13 ते 18 अंश पर्यंत नोंदविले जात होते. पण आकाश निरभ्र झाल्यानंतर पारा अचानक खाली आला आहे. 27 डिसेंबरपर्यंत शहरातील हवामान निरभ्र राहील असा अंदाज विभागाने वर्तविला आहे. अशा हवामानात थंडी वाढेल. किमान तापमान 9 ते 13 अंश आणि पुढील आठवड्यात कमाल तापमान 29-30 अंश राहील, असा अंदाज विभागाने वर्तविला आहे.
