नागपूर:- वर्धा रोडवरील नव्याने उद्घाटन झालेल्या डबल डेकर उड्डाणपुलावर वाहन चालविणे सुरक्षित करण्यासाठी शहर वाहतूक पोलिसांनी या उड्डाणपुलावर जाणा-या सर्व वाहनांची गती मर्यादा 50 किमी प्रतितास अशी घटवली गेली आहे. जी शहरात इतरत्र 60kmph आहे.
ड्रायव्हर्सना सावधगिरी बाळगण्याचे संकेत म्हणून उड्डाणपुलावर त्याबाबत निदर्शक सुचनापत्रके अनेक पॉईंट्सवर बसविली गेली आहेत, डीसीपी (वाहतुक) सारंग आवाड यांच्या निर्देशानुसार सोमवारी वरिष्ठ पीआय संदीप भोसले यांच्या नेतृत्वात सोनेगाव वाहतूक पोलिसांनी वेग मर्यादेचे उल्लंघन केल्याप्रकरणी 90 वाहनचालकांना पकडले. सर्व गती उल्लंघन करणार्यांना प्रत्येकी एक हजार रुपयांचा दंड ठोठावणारे ई-चालान देण्यात आले.
