Nagpur Local

गांधीबाग मधे अतिक्रमनका-यांवर कहर

नागपूर:- गांधीबाग झोनमध्ये अतिक्रमण करणार्‍यांवर सातत्याने कारवाई करूनही पदपथ व रस्त्यावरुन दररोज अतिक्रमण होतच आहे. गांधीबाग आणि इतवारीचे काही रस्ते रुंद आहेत, परंतु अतिक्रमणामुळे त्यांची अवस्था बोळांसारखी झाली आहे. दिवसभर रस्त्यावर जाम मुळे गांधीबाग झोनचे सहाय्यक आयुक्त अशोक पाटील यांच्या मार्गदर्शनाखाली दररोज कारवाई केली जात आहे. सोमवारी गांधीबाग झोनचे पथक अतिक्रमणधारकांवर तुटून पडले.

पथकाने केवळ 18 अतिक्रमणेच हटविली नाहीत तर 8 ठेले जप्त केले. तसेच वारंवार इशारा देऊनही अतिक्रमण करणा-या दुकानदारांकडून 32 दंड वसूल केला. तत्पूर्वी, पथकाने इतवारी भाजी मंडईतील मोडकळीस आलेल्या घरावर कारवाई केली. शहीद चौकातील दिवाकर रायकर आणि भाडेकरू जैन यांना 29 सप्टेंबर रोजी नोटीस बजावण्यात आली होती. परंतु जीर्ण झालेले घर पाडले गेले नाही. केव्हाही अनुचित प्रकार घडून येण्याची शक्यता असल्याने पथकाने कारवाई करत जर्जर भाग तोडण्याची प्रक्रिया सुरू केली.

राजभवन परिसरात 22: महामहिम राज्यपाल भगतसिंग कोश्यारी यांच्या आठवडाभर नागपूर दौर्‍याची माहिती मिळाल्यावर मनपाच्या अंमलबजावणी विभागाचे पथक सक्रिय झाले. गेल्या दोन दिवसांपासून राजभवन भोवतालची अतिक्रमणे साफ करण्याची मोहीम सुरू झाली. रविवारी सुट्टी असूनही, आजूबाजूचे अतिक्रमण हटविण्यात आले होते, परंतु दुसर्‍याच दिवशी परिस्थिती पूर्ववत झाली, यामुळे सोमवारी पथकाने पुन्हा कारवाईला सुरवात केली. आजूबाजूला एकूण 22 अतिक्रमणे साफ करण्यात आली. यानंतर बिजलीनगर समोरील पदपथावरील तात्पुरत्या झोपड्या देखील पाडण्यात आल्या. बिजलीनगर ते रामगिरीपर्यंत डब्ल्यूसीएल मुख्यालयासमोरील पदपथ अतिक्रमणमुक्त करण्यात आले.

अवैध बांधकाम, दंड वसूलः धरमपेठ झोन अंतर्गत अभ्यंकरनगरमध्ये मालमत्ताधारक लीला बेलसरे यांनी अवैध बांधकाम केले. महाराष्ट्र टेरिटोरियल प्लॅनिंग अँड टाउन कंपोजिशन कायद्यांतर्गत अवैध बांधकाम तोडण्यासाठी मालमत्ताधारकाला नोटीस बजावली होती. नोटीसमध्ये दिलेला वेळ संपताच हे पथक सोमवारी पोहोचले. पथक येताच मालमत्ताधारकाने नकाशा मंजुरीसाठी पाठविला जात असल्याची माहिती दिली. यानंतर पथकाने 5 हजार रुपये दंड केला. तसेच पथकाने अग्रवाल यांच्या भंगार दुकानावर 2 हजार रुपए दंड कारवाई केली. मोजमाप काटा देखील ताब्यात घेतला. या कारवाईत अंमलबजावणी विभागाचे उपायुक्त महेश मोरोने, प्रवर्तन निरीक्षक संजय कांबळे, नरेंद्र तोटेवार, भास्कर मालवे, नितीन शेरेकर, मनोहर राठोड, सुनील बावणे, आतिश वासनिक, विशाल ढोले आणि शादाब खान यांनी सहभाग घेतला.

Latest Nagpur Updates / News Digital वार्ता.

Team Nagpur Updates

Nagpur Updates is your local/Digital news, entertainment, Events, foodies & tech website. We provide you with the happening news, Page3 Contain and all about Nagpur Foodies & Infrastructure from the Nagpur and world.

Related Articles

Leave a Reply

Your email address will not be published. Required fields are marked *

Back to top button
Ads Blocker Image Powered by Code Help Pro
Ads Blocker Detected!!!

We have detected that you are using extensions to block ads. Please support us by disabling these ads blocker.

Refresh
Powered By
CHP Adblock Detector Plugin | Codehelppro